एसियन गेम्सका लागि फेन्सिङबाट ६ खेलाडी छनोट

काठमाडौं । चीनमा आयोजना हुने १९ औं एसियन गेम्सका लागि फेन्सिङबाट ६ खेलाडी छनोट भएका छन् ।

नेपाल फेन्सिङ संघले आयोजना गरेको छनोटबाट ६ खेलाडी छानिएका हुन्  ।

बसुन्धारास्थित पूर्व प्रहरी संगठनको हलमा भएको छनोटबाट ३ पुरुष र ३ महिला खेलाडी छनोट भएका हुन् ।

साबर पुरुषतर्फ उपेन्द्र शाही, राजेन्द्र गजुरेल र  पायष योञ्जन छनोट भए ।  

फोयल महिलातर्फ गोमा आचार्य, अनिता अधिकारी  र मंन्दिरा थापा  रहेका छन् ।

एसियन गेम्स आगामी असोज ६ गतेदेखि सुरु हुँदैछ ।