बागमती राष्ट्रिय रग्बी सेभेन्स आइतबारबाट

काठमाडौं । बागमती प्रदेश खेलकुद विकास परिषदको आयोजना र नेपाल रग्बी संघको व्यवस्थापनमा बागमती राष्ट्रिय रग्बी सेभेन्स प्रतियोगिता आयोजना हुने भएको छ ।

भक्तपुरस्थित मध्यपुर युथ क्लबको खेल मैदानमा आयोजना हुने प्रतियोगिता जेठ २० र जेठ २१ गते आयोजना हुनेछ ।

प्रतियोगितामा ७ महिला र ७ पुरुष गरी १४ टिमले सहभागिता जनाउने छन् ।

प्रतियोगितामा नेपालमा रहेका सातवटा प्रदेश मध्ये कोशी प्रदेश, मधेस प्रदेश, बागमती  प्रदेश, लुम्बिनी प्रदेश र कर्णाली प्रदेश गरी ५ प्रदेशको सहभागिता  र ३ वटा विभागिय टिमहरु त्रिभुवन आर्मी क्लब, नेपाल पुलिस र नेपाल एपीएफ क्लबले सहभागी हुनेछन् ।

तर, पुरुषमा लुम्बिनी र महिलामा पुलिस क्लब सहभागी हुने छैनन् ।

प्रतियोगिताको विजेताले ५० हजार र उपविजेताले २५ हजार पाउने छन् ।

प्रतियोगिताबाट नेपाल रग्वी संघले कतारमा संचालन हुन गईरहेको एसिया रग्वी सेभेन्स महिला तथा पुरुष प्रतियोगिता र चीनमा हुने एसियन गेम्स- २०२२ का लागि राष्ट्रिय महिला तथा पुरुष टिम छनौट गरिने जनाएको छ ।