सलिना उत्कृष्ट लिवेरो

काठमाडौं । नेपाली महिला भलिबल टोलीकी सदस्य सलिना श्रेष्ठ काभा महिला भलिबल च्यालेन्ज कपको उत्कृष्ट लिवेरो घोषित भएकी छिन् । 

प्रतियोगिता अवधीमा सानदार प्रदर्शन गरेकी सलिनाले उक्त अवार्ड प्राप्त गरेकी हुन् ।

नेपालले उज्वेकस्तानलाई ३-१ को सेटमा पराजित गर्दै तेस्रो स्थान हात पारेको थियो । नेपाल सेमिफाइनलमा काजकिस्तानसँग ३-२ को सेटमा पराजित भए पनि सलिनाले उत्कृष्ट प्रदर्शन गरेकी थिइन् । 

नेपाल भारतसँग समूह चरणको खेलमा ३-१ को सेटमा पराजित हुँदा पनि सलिनाले उच्च प्रदर्शन गरेकी थिइन् । समग्र प्रतियोगिताभर सलिनाले उच्च प्रदर्शन गरिन् ।

भारत फाइनलमा काजकिस्तानलाई सोझो सेटमा पराजित गर्दै च्याम्यियन बनेको छ ।

त्रिपुरेश्वरस्थित राष्ट्रिय खेलकुद परिषद्को कभर्डहलमा आइतबार भएको फाइनलमा भारतले काजकिस्तानलाई ३–० को सोझो सेटमा हराउँदै उपाधि जितेको थियो ।