पुलिसले खुमलटारलाई हरायो

काठमाडौं । सहिद स्मारक 'ए' डिभिजन लिग फुटबलमा नेपाल पुलिस क्लबले जित निकालेको छ ।

त्रिपुरेश्वरस्थित दशरथ रंगशालामा शुक्रबार पुलिसले एफसी खुमलटारलाई २-० गोल अन्तरले हराएको हो ।

पुलिसको जितमा भरत शाह र मोहमद आसिकले एक एक गोल गरे ।

भरतले खेलको ७६ औं मिनेटमा हेडरमार्फत गोल गर्दै पुलिसलाई सुरुआती अग्रता दिलाएका थिए ।

त्यसपछि खेलको ८८ औं मिनेटमा मोहमदले गोल गर्दै पुलिसलाई २-० को जित दिलाए ।

पुलिसको यो आठौं जित हो । पुलिसले २१ खेलमा २८ अंक जोडेको छ ।

पुलिस छैटौं स्थानमा उक्लिएको छ ।

खुमलटारले २१ खेलमा २१ अंक जोडेको छ । खुमलटार पुलिस पुछारमा रहेको छ ।