काजाकिस्तानको महिला भलिबल टोली नेपालमा

काठमाडौं ।  एनएससी–काभा अन्तर्राष्ट्रिय महिला भलिबल प्रतियोगितामा सहभागिता जनाउन काजाकिस्तानको टोली नेपाल आईपुगेको छ ।

प्रतियोगितामा सहभागिता जनाउन काजाकिस्तानको टोली शुक्रबार राति नेपाल आईपुगेको हो ।

राखेपको विशेष सहयोग तथा नेपाल भलिबल संघको आयोजनामा हुने प्रतियोगिता जेठ ८ गतेदेखि त्रिपुरेश्वरस्थित राखेपको कभर्डहलमा हुँदैछ ।

प्रतियोगितामा दक्षिण र मध्य एसियाबाट ८ राष्ट्रको सहभागिता रहने छ ।

प्रतियोगितामा नेपाल, बंगलादेश, माल्दिभ्स, भारत, श्रीलंका, किर्गिस्तान, उज्वेकिस्तान र काजाकिस्तानले भाग लिने छन् ।