यू-२० राष्ट्रिय रग्बी इलामको माई नगरपालिकामा हुने

इलाम । यू-२० राष्ट्रिय रग्बी प्रतियोगिता इलामको माई नगरपालिकामा आयोजना हुने भएको छ ।

आगामी जेठ २० देखि २१ गतेसम्म प्रतियोगिता माई नगरपालिका—४ शुक्रबारे बजार स्थित मैदानमा संचालन हुनेछ ।

प्रतियोगितामा महिला र पुरुषको ११÷११ टिमको सहभागीता रहनेछ ।

कोशी प्रदेश रग्बी संघका अध्यक्ष बिनोद कट्वाल दिवसका अनुसार ७ प्रदेश टिम र ४ क्लब प्रतियोगितामा सहभागी हुनेछन्।

प्रतियोगिता संचालनका लागि प्रदेश अध्यक्ष कट्वाल, जिल्ला अध्यक्ष बिजु लिम्बु, रग्बी संघ माई नगरपालिका अध्यक्ष रन्जित काफ्ले, नमुना सामुदायिक वन उपभोक्ता समितिका अध्यक्ष कोवित दाहालले मैदानको अनुगमन गरेका छन् ।