सन्दीपले पछि पारे बुमराहलाई

काठमाडौं । नेपाली राष्ट्रिय क्रिकेट टिमका बलर सन्दीप लामिछानेले भारत चर्चित बलर जसप्रित बुमराहलाई आईसीसी टी-ट्वान्टी अन्तराष्ट्रिय बलिङ वरीयतामा पछि पारेका छन् ।  

अन्तर्राष्ट्रिय क्रिकेट परिषद (आईसीसी) ले अपडेट गरेको नयाँ वरीयतामा लामिछाने ७० औं स्थानमा यथावत रहँदा बुमराह ८४ औं स्थानमा रहेका छन् । 

सन्दीपले कुलदिप यादव र दिपक चहर लगायतका बलरहरुलाई पछि पारेका छन् । 

बलिङ तर्फ नै अभिनास बोहोरा नयाँ वरीयतामा १ स्थान तल झरेर १ सयौं स्थानमा रहेका छन् । 

ब्याटिङ तर्फ भने ब्याटर कुशल भुर्तेल नयाँ वरीयतामा कुशल ५६ औं स्थानमा यथावत रहेका छन्।

अर्का ब्याटर दीपेन्द्र सिंह ऐरी ६२ औं स्थानमा यथावत रहेका छन् । 

अलराउण्डर तर्फ दीपेन्द्र सिंह ऐरी १४ औं स्थानमा यथावत रहेका छन् । 

ब्याटिङतर्फ भारतका सुर्यकुमार यादव शीर्ष स्थानमा रहेका छन् । 

बलिङमा भने अफगानिस्तानका राशिद खान शीर्ष स्थानमा रहेका छन् ।

टी-ट्वान्टी अन्तराष्ट्रिय वरीयतामा नेपाल १६ औं स्थानमा यथावत रहेको छ ।