काठमाडौं । ईन्डियन प्रिमियर लिग(आईपीएल) मा रोयल च्यालेन्जर्स बेंग्लोरले दिल्ली क्यापिटल्सलाई १ सय ७५ रनको लक्ष्य दिएको छ ।
घरेलु मैदान एम चेन्नास्वामीमा टस हारेर पहिले ब्याटिङ गरेको बेंग्लोरले २० ओभरमा ६ विकेट गुमाएर १ सय ७४ रन बनायो ।
बेंग्लोरका लागि ओपनर विराट कोहलीले ३४ बलमा ६ चौका र १ छक्काको सहयोगमा ५० रनको अर्धशतकीय ईनिङ खेले । महिपाल लुमरोले १८ बलमा २६ तथा ग्लेन म्याक्सवेलले १४ बलमा २४ रन बनाए ।
कप्तान फाफ डु प्लेसिसले १६ बलमा २२ रन बनाउँदा शाहबाज अहमदले १२ बलमा अविजित २० रन बनाए । अनुज रावतले २२ बलमा अविजित १५ रन बनाए ।
दिल्लीका लागि मिचेल मार्श र कुलदिप यादवले समान २/२ तथा अक्षर पटेल र ललित यादवले समान १/१ विकेट लिए ।
चौथो खेल खेल्दै गरेको बेंग्लोर दोस्रो जितको खोजीमा रहेको छ । बेंग्लोरले पहिलो खेलमा मुम्बई इन्डियन्सलाई पराजित गरेको थियो ।
बेंग्लोर दोस्रो खेलमा कोलकत्ता र तेस्रो खेलमा लखनउ सुपर जायन्ट्ससँग पराजित भएको थियो ।
पहिलो खेलमा लखनउ सुपर जायन्ट्ससँग र दोस्रो खेलमा गुजरात टाईटन्ससँग पराजित भएको थियो ।
तेस्रो खेलमा मुम्बई इन्डियन्ससँग पराजित दिल्ली पहिलो जितको खोजीमा रहेको छ ।
यी दुई टोली बीचमा भएका पछिल्ला पाँच खेलमा तीनमा बेंग्लोर र दुईमा दिल्ली विजयी भएका छन् ।
-1754843967.webp)
