मुम्बई बलिङ गर्दै

काठमाडौं । इन्डियन प्रिमियर लिग (आईपीएल) २०२३ मा मुम्बई इन्डियन्सले दिल्ली क्यापिटल्सविरुद्ध पहिला बलिङ गर्दैछ ।

दिल्लीको घरेलु मैदान अरुण जेट्ली स्टेडियममा मुम्बईले टस जितेर बलिङ रोजे पछि दिल्लीले पहिला ब्याटिङ गर्दै छ।

दिल्लीले सिजनको चौथो खेल खेल्दैछ । मुम्बईले भने सिजनको तेस्रो खेल खेल्दैछ ।

दुवै टोली आजको खेल जितेर पहिलो अंक जोड्न चाहन्छन् ।

पहिलो खेलमा दिल्ली लखनउ सुपर जायन्ट्ससँग र दोस्रो खेलमा गुजरात टाईटन्ससँग पराजित भएको थियो । तेस्रो खेलमा राजस्थान रोयल्ससँग पराजित भएको थियो ।

पहिलो खेलमा मुम्बई रोयल च्यालेन्जर्स बेंग्लारसँग पराजित हुँदा दोस्रो खेलमा भने चेन्नाई सुपर किंग्ससँग पराजित भएको थियो ।   

तीन खेलमा अंकबिहिन दिल्ली १० टोली सहभागी लिगको  पुछारमा रहेको छ । 

उता, दुई खेलमा शतप्रतिशत हारका साथ मुम्बई नवौं स्थानमा रहेको छ । 

हेड टु हेड : 

दिल्ली र मुम्बईबीच हालसम्म ३२ खेल भएको छ । जसमा मुम्बईले १७ खेल जित्दा दिल्लीले १५ खेल जितेको छ ।