'ए' डिभिजन लिग : दुई खेल हुँदै
काठमाडौं । सहिद स्मारक 'ए' डिभिजन लिग फुटबलको छैटौं चरण अन्तर्गत आज मंगलबार दुई खेल हुँदैछन् ।
लिग अन्तर्गत मंगलबार एक खेल च्यासल मैदान र एक खेल एन्फा कम्प्लेक्समा हुनेछ ।
च्यासल मैदानमा न्युरोड टिम एनआरटी र चर्च ब्वाइज युनाईटेडबीच प्रतिस्पर्धा हुनेछ । एनआरटी र चर्च ब्वाइजबीचको खेल दिउँसो २ बजे सुरु हुनेछ ।
एनआरटी आज पहिलो जितको खोजीमा हुनेछ । एनआरटी २ अंक जोडेर १३ औं स्थानमा रहेको छ ।
चर्च ब्वाइज चौंथो जितको खोजीमा हुनेछ । चर्च ११ अंक जोडेर तेस्रो स्थानमा रहेको छ ।
यस्तै एन्फा कम्प्लेक्समा जावलाखेल युथ क्लब र रोयल ब्लु सातदोबाटो युथ क्लबबीच प्रतिस्पर्धा हुनेछ । जावलाखेल र सातदोबाटोबीचको खेल दिउँसो २ बजे सुरु हुनेछ ।
जावलाखेल चौंथो जितको योजनामा हुनेछ । जावलाखेल ५ खेलमा १० अंक जोडेर चौंथो स्थानमा रहेको छ ।
सातदोबाटो पाँचौं जितको खोजीमा हुनेछ । सातदोबाटो १२ अंक जोडेर शीर्ष स्थानमा रहेको छ ।
