काठमाडौं । हङकङमा आयोजना हुने फेयरब्रेक ग्लोबल प्रतियोगितामा सहभागी हुने नेपाली राष्ट्रिय महिला क्रिकेट टिमकी कप्तान रुबिना क्षेत्री तथा टोलीकी सदस्य सीता रानामगर आज त्यस तर्फ गएका छन् ।
रुबिना बार्मी आर्मी टोलीमा रहेकी छिन् । सीता भने ट्रोनाडोज टोलीमा आबद्ध रहेकी छिन् । सीता र रुबिना गत बर्ष पनि सोहि टोलीमा आबद्ध रहेका थिए ।
उस बर्षको प्रतियोगिताका लागि दुवैलाई आआफ्नो टोलीले रिटेन गरेको थियो ।
फेयरब्रेक प्रतियोगिता अप्रिल ३ बाट सुरु हुनेछ । प्रतियोगितामा रुबिना आबद्ध बार्मी आर्मीको पहिलो खेल स्प्रिट टिमसँग अप्रिल ४ मा रहेको छ । सीताको टोलीको भने उद्घाटनमा नै पहिलो खेल रहेको छ ।
६ टोली सहभागी प्रतियोगिता राउन्ड रोबिन तथा नकआउटका आधारमा संचालन हुनेछ । प्रतियोगिता १६ अप्रिल सम्म संचालन हुनेछ ।
