द हन्ड्रेड - सन्दीप र अर्जुन अनसोल्ड

काठमाडौं । नेपाली राष्ट्रिय क्रिकेट टिमका पूर्व कप्तान तथा लेग स्पिनर सन्दीप लामिछाने  द हन्ड्रेड क्रिकेटको ड्राफ्टमा अनसोल्ड भएका छन् ।

लण्डनमा बिहीबार राति आयोजित ड्राफ्टमा सन्दीपलाई कुनैपनि टोलीले बोली लगाएनन् ।

यस्तै अर्का नेपाली खेलाडी अर्जुन साउद समेत अनसोल्ड भएका छन् ।

विकेटकिपर तथा ओपनर अर्जुनलाई समेत कुनैपनि टोलीले बोली लगाएनन् ।

द हन्ड्रेडले सार्वजनिक गरेको ड्राफ्ट लिस्टमा नेपालबाट सन्दीप र अर्जुन अटाएका थिए ।  

ड्राफ्टमा सन्दीप र अर्जुनसहित ३ सय ६८ खेलाडी छन् ।

पहिलो संस्करणमा सन्दीपलाई ओभल इन्भिन्सिबल्सले ६० हजार पाउण्डमा अनुबन्ध गरेको थियो । तर, भिसा समस्याका कारण द हन्ड्रेड गुमाएका थिए ।

दोस्रो संस्करणमा भने सन्दीपलाई कुनैपनि क्लबले अनुबन्ध गरेको थिएन ।

अर्जुन भने पहिलो पटक ड्राफ्टमा परेका हुन् ।

यस संस्करणको द हन्ड्रेड अगस्ट १ बाट सुरु हुँदैछ ।