विश्वकप छनोटमा पुग्ने खेलाडीलाई बागमती प्रदेशले नगद सहित सम्मान गर्ने 

काठमाडौं । आईसीसी एकदिवसीय विश्वकपको छनोटमा स्थान बनाउन सफल नेपाली राष्ट्रिय क्रिकेट टिमका खेलाडीलाई बागमती प्रदेश सरकारले नगद सहित सम्मान गर्ने भएको छ । 

बागमती प्रदेश सरकारले राष्ट्रिय टिमका प्रत्येक सदस्यलाई जनही एक लाख रुपैयाँ दिने घोषणा गरेको छ ।

बागमती प्रदेशका मुख्यमन्त्री शालिकराम जम्कट्टेलले प्रदेश सरकारको तर्फबाट शुक्रबार उक्त घोषणा गरेका हुन् ।

उक्त पुरस्कार रकम प्रदेश खेलकुद बिकास परिषद् मार्फत छिट्टै प्रदान गरिने बागमती प्रदेश खेलकुद विकास समितीका सदस्य सचिव सुर्य भण्डारीले बताए । 

नेपालले बिहीबार घरेलु मैदान कीर्तिपुरस्थित टियु मैदानमा युएईलाई ९ रनले पराजित गर्दै एकदिवसीय विश्वकप छनोटमा स्थान बनाएको थियो ।