काठमाडौं । अखिल नेपाल फुटबल संघ (एन्फा) ले मर्कन्टाइल कम्युनिकेसन प्रालिसँग सम्झौता गरेको छ ।
एन्फाले आधिकारिक इन्टरनेट पार्टनरको रुपमा मर्कन्टाइलसँग तीन वर्षको सम्झौता गरेको हो ।
एन्फाका महासचिव किरण राई र मर्केन्टाइलका बिजिनेस विकास सहायक प्रबन्धक अजर मानन्धरले सम्झौता पत्रमा हस्ताक्षर गरे ।
सम्झौता अनुसार दशरथ रंगशाला, एन्फा कम्प्लेक्स, च्यासल रंगशाला, विराटनगरको सहिद रंगशाला र पोखराको पोखरा रंगशालामा एन्फाले आयोजना गर्ने सबै राष्ट्रिय तथा अन्तर्राष्ट्रिय फुटबल प्रतियोगितामा मर्केन्टाइलले निःशुल्क इन्टरनेट उपलब्ध गराउने छ ।
एन्फाले सहिद स्मारक ‘ए’ डिभिजन लिग फागुन १९ गतेबाट दशरथ रंगशाला, च्यासल रंगशाला र एन्फा कम्प्लेक्समा आयोजना गर्दैछ ।
