काठमाडौं । नेपाली राष्ट्रिय टिमका पूर्व कप्तान तथा लेग स्पिनर सन्दीप लामिछानेले आफुलाई साथ र माया दिएकोमा आभार व्यक्त गरेका छन् ।
सन्दीपले बुधबार सामाजिक संजालबाट देशले क्रिकेट जितेको उल्लेख गर्दै साथ र मायाका लागि आभार व्यक्त गरेका हुन् ।
'मैले कति योगदान गर्न सके थाहा छैन तर मेरो देशले क्रिकेट जितेको छ,' सन्दीपले लेखेका छन्, 'यो साथ यो मायाको लागि सम्पूर्णमा हृदय देखी आभारी छु।'
घरेलु मैदानमा आयोजना भएको आईसीसी विश्वकप लिग टू अन्तर्गतको त्रिदेशीय एकदिवसीय अन्तराष्ट्रिय सिरिजमा नेपालले मंगलबार क्लिन स्विप गरेको थियो ।
लिग टू च्याम्पियन बनिसकेको स्कटल्याण्ड र नामिबिया रहेको सिरिजमा नेपालले ४ खेलमा ४ वटै जितेको थियो । जसमा सन्दीपले उत्कृष्ट प्रदर्शन गरेका थिए ।
सन्दीप यसै सिरिजबाट राष्ट्रिय टोलीमा फर्किएका हुन् । नाबालिक बलात्कारको आरोप लागेपछि सन्दीप अनुशासनको कारबाहीमा परेका थिए ।
करिब ६ महिनापछि राष्ट्रिय टिममा पुनरागमन गरेका सन्दीपले सिरिजको ४ खेलमा ४० ओभर बलिङ गरेर १ सय ८४ रन दिएर १३ विकेट हात पारेका थिए ।
-1753545694.jpg)
