गुलशनको स्थानमा आकाशले खेल्ने

काठमाडौं । यूएईमा आयोजना हुने आईसीसी यू-१९ पुरुष विश्वकपको एसिया छनोट प्रतियोगिताका लागि आकाश चन्दलाई टिममा राखिएको छ ।

नेपाल क्रिकेट संघ (क्यान) ले मंगलबार गुलशन झाको स्थानमा आकाशलाई टिममा राखिएको जनाएको छ ।

गुलशन विश्व क्रिकेट लिग टू अन्तर्गत युएईमा हुने सिरिजका लागि सिनियर टोलीसँग जाने भएपछि आकाशलाई टिममा राखिएको हो ।

क्यानले गुलशनको स्थानमा देव खनाललाई कप्तान नियुक्त गरेको छ  ।

यस अघि क्यानले नेपाली यू-१९ राष्ट्रिय क्रिकेट टोलीको कप्तानीको जिम्मेवारी गुलशनलाई दिएको थियो ।

यू-१९ छनोट प्रतियोगिता फागुन १२ देखि यूएईमा सुरु हुनेछ ।

नेपाली टोली बुधबार त्यसतर्फ जानेछन् ।

यस प्रतियोगितामा नेपालसहित सिंगापुर,कतार,हङकङ,मलेसिया र आयोजक यूएईको सहभागीता रहेको छ ।

नेपालको पहिलो खेल फागुन १२ मा सिंगापुरविरुद्ध रहेको छ ।