भूकम्पमा मृत्यु भएका फरवार्डको शव घाना लगियो

काठमाडौं । टर्कीमा गएको शक्तिशाली भूकम्पमा मृत्यु भएका फरवार्ड क्रिस्टियन अट्सुको शव घाना लगिएको छ ।

अन्तिम संस्कारका लागि फरवार्ड क्रिस्टियनको शव घाना लगिएको हो ।

क्रिस्टियन आफु बस्दै आएको अपार्टमेन्टको भग्नावशेषमुनि मृत अवस्थामा फेला परेका थिए ।

क्रिस्टियनले पछिल्लो समय टर्कीको हटेस्पोरबाट खेल्दै आएका थिए ।

३१ वर्षीय फरवार्ड साउदी अरबको क्लब अल–रायदमा एक सिजन बिताएर हटेस्पोरमा अनुबन्ध भएका थिए ।

उनले प्रिमियर लिग क्लब न्युकासल युनाइटेड, चेल्सी, एभर्टन र बर्नमाउथबाट पनि खेलेका थिए ।   

क्रिस्टियनले घानाका लागि ६५ खेल खेलिसकेका थिए ।