डर्टमण्डले गर्यो बायर्नसँग अंक बराबरी

काठमाडौं । जर्मन बुन्डेसलिगा फुटबलमा बोरुसिया डर्टमण्डले जित निकालेको छ ।

आइतबार राति भएको खेलमा डर्टमण्डले हेर्था बर्लिनलाई ४-१ गोल अन्तरले हराएको हो ।

खेलको २७ औं मिनेटमा करिम एडीएमीले गोल गर्दै डर्टमण्डलाई सुरुआती अग्रता दिलाएका थिए ।

खेलको ३१ औं मिनेटमा डनएल मालनले गोल गर्दै डर्टमण्डको अग्रता २-० को बनाए ।

खेलको ४६ औं मिनेटमा लुकास टुसार्टले गोल गर्दै हेर्थालाई २-१ को स्थितिमा ल्याए ।  

मार्को रिउसले ७६ औं मिनेटमा गोल गर्दै डर्टमण्डको अग्रता ३-१ को बनाए ।

त्यसपछि खेलको ९० औं मिनेटमा जुलियन ब्रान्टले गोल गर्दै डर्टमण्डको जित ४-१ ले पक्का गरे ।

जितसँगै डर्टमण्डले शीर्ष स्थानको बायर्नसँग अंक बराबरी गरेको छ ।

डर्टमण्डले २१ खेलमा ४३ अंक जोडेको छ ।

शीर्ष स्थानको बायर्नको पनि ४३ अंक रहेको छ ।

हेर्था १७ अंक जोडेर १७ औं स्थानमा रहेको छ ।