टोटेनहम शीर्ष चारमा

काठमाडौं । इंग्लिस प्रिमियर लिग फुटबलमा टोटेनहमले जित निकालेको छ ।

आइतबार राति भएको खेलमा टोटेनहमले वेस्ट ह्यामलाई २-० गोल अन्तरले हराएको हो ।

टोटेनहमको जितमा इमर्सन र सन ह्युङ मिनले एक एक गोल गरे ।

खेलको ५६ औं मिनेटमा इमर्सनले गोल गर्दै टोटेनहमलाई सुरुआती अग्रता दिलाएका थिए ।

त्यसपछि खेलको ७२ औं मिनेटमा सनले गोल गर्दै टोलीको जित पक्का गरे ।

जितसँगै टोटेनहम लिगको चौंथो स्थानमा उक्लिएको छ ।

टोटेनहमले २४ खेलमा ४२ अंक जोडेको छ ।

वेस्ट ह्याम २० अंक जोडेर १८ औं स्थानमा रहेको छ ।