राषफोर्ड चम्किदा युनाईटेडको सहज जित

काठमाडौं । इंग्लिस प्रिमियर लिग फुटबलमा म्यानचेस्टर युनाईटेडले सहज जित निकालेको छ ।

आइतबार राति भएको खेलमा युनाईटेडले लेस्टर सिटीलाई ३-० गोल अन्तरले हराएको हो ।

युनाईटेडको जितमा मार्कुस राषफोर्डले दुई गोल गरे । जाडोन सान्चोले एक गोल थपे ।

खेलको २५ औं मिनेटमा राषफोर्डले गोल गर्दै युनाईटेडले सुरुआती अग्रता दिलाएका थिए ।

५६ औं मिनेटमा राषफोर्डले व्यक्तिगत दोस्रो गोल गर्दै युनाईटेडलाई २-० गोलको अग्रता दिलाए ।

त्यसपछि खेलको ६१ औं मिनेटमा सान्चोले गोल गर्दै युनाईटेडलाई ३-० गोलको जित दिलाए ।

जितसँगै युनाईटेडले २४ खेलमा ४९ अंक जोडेको छ ।

युनाईटेड तेस्रो स्थानमा रहेको छ ।

लेस्टर २४ अंक जोडेर १४ औं स्थानमा रहेको छ ।