आर्मीलाई उपाधि

काठमाडौं ।  नेपाल आर्मीले पाँचौं साहाना प्रधान स्मृति महिला हक्की प्रतियोगिताको उपाधि शनिबार जितेको छ ।

जनकपुरमा भएको फाइनलमा आर्मीले लुम्बिनी प्रदेशलाई २–१ गोलले पराजित गर्यो । आर्मीकी सीतामाया बल र सरस्वती तामाङले गोल गरे । लुम्बिनीकी अन्नया बरुवालले गोल फर्काइन् ।

लुम्बिनीकी पूजा कुमारी उत्कृष्ट खेलाडी, लुम्बिनीकी प्रतिमा सरोज उत्कृष्ट गोलरक्षक तथा आर्मीकी हिमाली थापा उत्कृष्ट डिफेन्डर घोषित भए ।

विजेतालाई मिथिला नगरपालिकाका मेयर महेन्द्र महतो, नेपाल हक्की संघका उपाध्यक्ष अनिल शर्मालगायतले एक कार्यक्रमबीच पुरस्कृत गरे । प्रतियोगितामा आर्मी र ६ प्रदेश गरी ७ टिम सहभागी थिए ।