विश्व ई स्पोर्ट्स च्याम्पियनसिपका लागि छनोट प्रतियोगिता हुने

काठमाडौं ।  रोमानियामा आयोजना हुने १५ औं विश्व ई स्पोर्ट्स च्याम्पियनसिपका लागि नेपालमा छनोट प्रतियोगिता आयोजना हुने भएको छ ।

नेपाल ई–स्पोर्ट्स संघ (नेसा) ले एक विज्ञप्ति निकाल्दै विश्व च्याम्पियनसिपका लागि छनोट प्रतियोगिता आयोजना हुने जनाएको छ ।

च्याम्पियनसिपका लागि काउन्टर स्ट्राइक ग्लोबल अफेन्सीभ (सीएस–गो), डोटा–२, पब्जी मोबाइल, मोबाइल लेजेण्ड, टेकेन ७ र ईफुटबलको छनोट प्रतियोगिता हुनेछ ।

सीएस-गो र डोटा-२ मार्च ३ पब्जी मोबाइल मार्च १५, मोबाइल लेजेण्ड मार्च २६ र टेकेन ७ र ईफुटबलको छनोट मार्च १० मा हुनेछ ।

रोमानियामा आयोजना हुने विश्व च्याम्पियनसिप आगामी अगस्ट २४ देखि ४ सेप्टेम्बरसम्म आयोजना हुनेछ ।