आत्मघाती गोलमा रियल पराजित

काठमाडौं । स्पेनिस ला लिगा फुटबलमा रियल मड्रिड पराजित भएको छ ।

आइतबार राति भएको खेलमा रियललाई मालोर्काले १-० गोल अन्तरले हराएको हो ।

मालोर्काको जितमा रियलका नाचोले आत्मघाती गोल गरे ।

नाचोले खेलको १३ औं मिनेटमा आत्मघाती गोल गरेका थिए ।

यस्तै खेलको ६० औं मिनेटमा रियलका मार्को एसेन्सियो पेनाल्टीमा गोल गर्न चुके ।

एसेन्सियोले बाहिर प्रहार गरे ।

यस हारसँगै रियलले शीर्ष स्थानको बार्सिलोनासँगको अंक दुरी कम गर्ने मौका गुमाएको छ ।

दोस्रो स्थानको रियलले २० खेलमा ४५ अंक जोडेको छ ।

बार्सिलोना ५० अंक जोडेर शीर्ष स्थानमा रहेको छ ।

मालोर्का २८ अंक जोडेर दशौँ स्थानमा रहेको छ ।