किरण मनाङको मुख्य प्रशिक्षक नियुक्त

काठमाडौं । सहिद स्मराक 'ए' डिभिजन क्लब मनाङ मर्स्याङ्दी क्लबले किरण श्रेष्ठलाई मुख्य प्रशिक्षक नियुक्त गरेको छ।

मनाङले सोमबार सामाजिक संजाल फेसबुकबाट श्रेष्ठलाई मुख्य प्रशिक्षक नियुक्त गरिएको जनाएको छ ।

सहिद स्मारक 'ए' डिभिजन लिग नजिकिदै गर्दा मनाङले मुख्य प्रशिक्षक नियुक्त गरेको हो ।

'ए' डिभिजन लिग फागुन १९ गतेबाट सुरु हुँदैछ ।

मनाङ 'ए' डिभिजन लिगमा कीर्तिमानी आठ पटकको च्याम्पियन हो ।

अनुभवी प्रशिक्षक किरणले नेपाली राष्ट्रिय फुटबल टिमको सहायक प्रशिक्षक भएर काम गरिसकेका छन् ।