बराबरीमा रोकियो चेल्सी

काठमाडौं । इंग्लिस प्रिमियर लिग फुटबलमा चेल्सी बराबरीमा रोकिएको छ ।

आइतबार राति भएको खेलमा चेल्सीले नटिङघम फरेस्टसँग १-१ गोलको बराबरी खेलेको हो ।

चेल्सीले सुरुआती एक गोलको अग्रता जोगाउन नसक्दा बराबरी खेल्नु परेको हो ।

खेलको १६ औं मिनेटमा रहिम स्टरलिङले गोल गर्दै चेल्सीलाई सुरुआती अग्रता दिलाएका थिए ।

तर, खेलको ६३ औं मिनेटमा सेर्जी औरिएरले गोल गर्दै फरेस्टलाई १-१ गोलको बराबरीमा ल्याए ।

यस बराबरीसँगै चेल्सीले १६ खेलमा २५ अंक जोडेको छ ।

चेल्सी आठौं स्थानमा रहेको छ ।

फरेस्ट १४ अंक जोडेर १८ औं स्थानमा रहेको छ ।