टोटेनहमलाई एस्टनले हरायो

काठमाडौं । इंग्लिस प्रिमियर लिग फुटबलमा एस्टन भिल्लाले टोटेनहमलाई हराएको छ ।

आइतबार राति भएको खेलमा एस्टनले टोटेनहमलाई २-० ले हराएको हो ।

एस्टनको जितमा ईमी बुएन्डिया र डग्लास लुइजले एक एक गोल गरे ।

खेलको ५० औं मिनेटमा बुएन्डियाले गोल गर्दै एस्टनलाई सुरुआती अग्रता दिलाएका थिए ।

त्यसपछि खेलको ७३ औं मिनेटमा लुइजले गोल गर्दै एस्टनलाई २-० को जित दिलाए ।

यस जितसँगै एस्टनले १७ खेलमा २१ अंक जोडेको छ ।

एस्टन १२ औं स्थानमा रहेको छ ।

टोटेनहम ३० अंक जोडेर पाँचौं स्थानमा रहेको छ ।