सीएभीए बिच भलिबल : नेपाल उपविजेता

काठमाडौं ।  नेपालको पुरुष बिच भलिबल टोली बंगलादेशमा भएको सीएभीए बिच भलिबल प्रतियोगितामा उपविजेता बनेको छ ।

बंगलादेशको कक्स बजारमा शुक्रबार बिहान भएको फाइनलमा माल्दिभ्ससँग २-० को सेटमा पराजित हुँदै नेपाल उपविजेता बनेको हो ।

मान बहादुर श्रेष्ठ र दिल बहादुर सुनारको जोडी रहेको नेपाललाई माल्दिभ्सले २१-१३ र २१-१९ ले हराएको हो ।

कोपिला उप्रेती र कमला पुनको जोडी रहेको नेपालको महिला टोली समेत उपविजेता बनेको थियो ।

महिलातर्फको फाइनलमा नेपाल श्रीलंकासँग २-० को सेटमा पराजित भएको थियो ।