श्रीलंकासँग पराजित नेपाल उपविजेता

काठमाडौं ।  नेपालको महिला बिच भलिबल टोली बंगलादेशमा जारी सीएभीए बिच भलिबल प्रतियोगितामा उपविजेता बनेको छ ।

बंगलादेशको कक्स बजारमा बिहीबार भएको फाइनलमा श्रीलंकासँग २-० को सेटमा पराजित हुँदै नेपाल उपविजेता बनेको हो ।

कोपिला उप्रेती र कमला पुनको जोडी रहेको नेपाललाई श्रीलंकाले २१-११ र २१-११ ले हराएको हो ।

यस अघि नेपालले सेमिफाइनलमा उज्वेकिस्तानलाई २-० को सेटमा हराएर श्रीलंकासँगको भेट पक्का गरेको थियो ।

पुरुषतर्फ नेपालको टोली फाइनल प्रवेश गरेका छन् ।

पुरुषतर्फ मान बहादुर श्रेष्ठ र दिल बहादुर सुनारको जोडी रहेको नेपालले सेमिफाइनलमा किर्गिस्तानलाई २-० को सेटमा हराएर फाइनल स्थान बनाएको हो ।