सीएभीए बिच भलिबल : नेपाल फाइनलमा

काठमाडौं । नेपालको पुरुष टिम बंगलादेशमा जारी सीएभीए बिच भलिबल प्रतियोगिताको फाइनलमा प्रवेश गरेको गरेको छ ।

कक्स बजारमा बिहीबार भएको सेमिफाइनलमा किर्गिस्तानलाई २-० को सेटमा हराएर नेपाल फाइनल पुगेको हो ।

मान बहादुर श्रेष्ठ र दिल बहादुर सुनारको जोडी रहेको नेपालले किर्गिस्तानलाई २६-२४ र २१-१४ ले हराएको हो ।

नेपालको महिला टोली समेत फाइनलमा प्रवेश गरेको छ ।

सेमिफाइनलमा उज्वेकिस्तानलाई २-० को सेटमा हराएर नेपालको महिला टोली फाइनलमा पुगेको हो ।

कोपिला उप्रेती र कमला पुनको जोडी रहेको नेपालले उज्वेकिस्तानका सतिभोलदिभा र जमोलोभाको जोडीलाई २१-१२ र २१-१४ को सेटमा हराएको हो ।

अब नेपालले उपाधिका लागि श्रीलंकासँग खेल्नेछ । फाइनल बिहीबार दिउँसो ३ बजे सुरु हुनेछ ।