बसुन्धरामा केटीएम सिटीको नयाँ सोरुम  

काठमाडौं । नेपाली ब्राण्ड केटीएम सिटीले बसुन्धरामा नयाँ सोरुम खोलेको छ । 

शेर्पा आउटडोरको नेपाली ब्राण्ड केटीएम सिटीले शाखा विस्तारको क्रममा बसुन्धरा चोकमा नयाँ सोरुमको उद्घाटन गरेको हो । 

बसुन्धरा चोकमा रहेको बसन्त भवनमा नयाँ सोरुम सञ्चालनमा आएको केटीएम सिटीले जनाएको छ । 

शेर्पा आउटडोरका अनुसार केटीएम सिटीका पछिल्ला उत्पादनहरु नयाँ सोरुममा समेत उपलब्ध हुनेछ ।

योसँगै देशभर केटीएम सिटीका २३ वटा आउटलेट खुलेका छन् । पूर्वको दमकदेखि पश्चिमको धनगढीसम्म केटीएम सिटीले आफ्नो सेवा विस्तार गरेको छ । 

स्पोर्टस ब्राण्डको रुपमा नेपाली बजारमा छुट्टै पहिचान बनाएको केटीएम सिटीले सुलभ मुल्यमा गुणस्तरीय लुगा तथा लत्ता, कपडा नेपाली बजारमा उपलब्ध गराईरहेको छ । 

केटीएम सिटी राष्ट्रिय फुटबल टिमको मुख्य किट प्रायोजक रहेको छ भने क्रिकेट, भलिबल सहित विभिन्न टिम र प्रतियोगितामा यसले सहकार्य गरेर काम गर्दै आईरहेको छ ।