चेल्सीले बर्नेमाउथलाई हरायो

काठमाडौं । इंग्लिस प्रिमियर लिग फुटबलमा चेल्सीले एएफसी बर्नेमाउथलाई हराएको छ ।

मंगलबार राति भएको खेलमा चेल्सीले बर्नेमाउथलाई २-० गोल अन्तरले हराएको हो ।

चेल्सीलाई जित दिलाउन काइ हार्भट्ज र मासन माउन्टले एक एक गोल गरे ।

खेलको १६ औं मिनेटमा हार्भट्जले गोल गर्दै चेल्सीलाई सुरुआती अग्रता दिलाएका थिए ।

त्यसपछि खेलको २४ औं मिनेटमा माउन्टले गोल गर्दै चेल्सीको जित सुनिश्चित पारे ।

यस जितसँगै चेल्सी १५ खेलमा २४ अंक जोडेको छ ।

चेल्सी आठौं स्थानमा रहेको छ ।

बर्नेमाउथ १६ अंक जोडेर १४ औं स्थानमा रहेको छ ।