युनाईटेडको सहज जित

काठमाडौं । इंग्लिस प्रिमियर लिग फुटबलमा म्यानचेस्टर युनाईटेडले सहज जित निकालेको छ ।

मंगलबार राति भएको खेलमा युनाईटेडले नटिङघम फरेस्टलाई ३-० गोल अन्तरले हराएको हो ।

युनाईटेडको जितमा मार्कुस राषफोर्ड, एन्थोनी मार्सियल र फ्रेडले एक एक गोल गरे ।

खेलको १९ औं मिनेटमा राषफोर्डले गोल गर्दै युनाईटेडलाई सुरुआती अग्रता दिलाएका थिए ।

मार्सियलले २२ औं मिनेटमा गोल गर्दा युनाईटेड २-० ले अघि रह्यो ।

त्यसपछि खेलको ८७ औं मिनेटमा फ्रेडले गोल गर्दै युनाईटेडलाई ३-० को जित दिलाए ।

जितसँगै युनाईटेडले १५ खेलमा २९ अंक जोडेको छ ।

युनाईटेड पाँचौं स्थानमा रहेको छ ।

फरेस्ट १३ अंक जोडेर १९ औं स्थानमा रहेको छ ।