काठमाडौं । फरवार्ड तथा कप्तान अन्जन विष्टले सहिद स्मारक 'ए' डिभिजन लिग क्लब मनाङ मर्स्याङ्दी क्लब छाडेका छन् ।
राष्ट्रिय टिमका फरवार्ड समेत रहेका अन्जन चार वर्ष क्लबमा बिताएर मनाङ छाडेका हुन् ।
अन्जनले सामाजिक संजाल फेसबुकबाट मंगलबार मनाङ छाडेको जनाएका छन् ।
अन्जन २०१८ मा मनाङमा आबद्द भएका थिए ।
मनाङ आउनु अघि अन्जनले एपीएफ क्लबबाट खेलेका थिए ।
मनाङबाट अन्जनले 'ए' डिभिजन लिगको उपाधि जितेका थिए ।
मनाङ छाडेका अन्जन 'ए' डिभिजनको नवप्रवेशी क्लब चर्च ब्वाइज युनाईटेडमा अनुबन्धित हुँदै छन् ।
तर, चर्च ब्वाइज र अन्जनले यसबारे औपचारिक रुपमा जानकारी गराएको छैन ।
अन्जनले मनाङबाट खेल्ने आफ्नो सपना पूरा हुँदा आफुलाई भाग्यमानी ठानेको बताएका छन् ।
आफुले मनाङमा रहदा बिना स्वार्थ खेलेको समेत बताएका छन् ।
