पोखरा । नेपाली राष्ट्रिय फुटबल टिमका डिफेन्डर अनन्त तामाङ अन्जन सर्वोत्कृष्ट राष्ट्रिय फुटबल खेलाडी सम्मान २०७९ बाट सम्मानित हुने भएका छन् ।
सहारा क्लब पोखराले मंगलबार पत्रकार सम्मेलनको आयोजना गर्दै अनन्तलाई सम्मानित गरिने जनाएको छ ।
आहा ! रारा पोखरा गोल्डकप फुटबलको उद्घाटन दौरान पुस १४ गते अनन्तलाई सम्मान गरिने छ ।
अनन्तलाई ५० हजार ५ रुपैयाँसहित सम्मान पत्रले सम्मान गरिनेछ ।
सहाराले हरेक वर्ष राष्ट्रिय टोलीका एक खेलाडीलाई सम्मान गर्दै आएको छ ।
यस अघि भरत खवास,किरण चेम्जोङ, सुजल श्रेष्ठ, अभिषेक रिजाल र अन्जन विष्ट सम्मानित भईसकेका छन् ।
