गाक्पो अनुबन्ध गर्न लिभरपुल सहमत

काठमाडौं । इंग्लिस प्रिमियर लिग क्लब लिभरपुलले नेदरल्यान्ड्सका फरवार्ड कोडी गाक्पो अनुबन्ध गर्ने भएको छ ।

लिभरपुलले युवा फरवार्डलाई डच क्लब पीएसभीबाट अनुबन्ध गर्ने भएको हो ।

२३ वर्षीय गाक्पो अनुबन्धका लागि लिभरपुल सहमत भएको डच क्लबले जनाएको छ ।

गाक्पोले कतार विश्वकपमा उत्कृष्ट प्रदर्शन गरेका थिए । जसको कारण लिभरपुलले गाक्पोमाथि नजर लगाएका थिए ।

गाक्पोले विश्वकपमा ३ गोल गरेका थिए । नेदरल्यान्ड्स क्वाटरफाइनलसम्म पुगेको थियो ।

लिभरपुलले गाक्पोलाई ४० देखि ५० मिलियन युरोको बीचको मूल्यमा  अनुबन्ध गर्न लागेको हो ।

गाक्पोलाई अनुबन्ध गर्न युरोपका अन्य क्लबले समेत चाँसो देखाएको थियो ।