काठमाडौं । इंग्लिस प्रिमियर लिग फुटबलमा लिभरपुलले जित निकालेको छ ।
सोमबार राति भएको खेलमा लिभरपुलले एस्टन भिल्लालाई ३-१ गोल अन्तरले हराएको हो ।
खेलको पाँचौं मिनेटमा मोहमद सलाहले गोल गर्दै लिभरपुललाई सुरुआती अग्रता दिलाएका थिए ।
खेलको ३७ औं मिनेटमा भिर्गिल भान डाइकले गोल गर्दै लिभरपुललाई २-० को अग्रता दिलाए ।
खेलको ५९ औं मिनेटमा ओली वाट्कीन्सले गोल गर्दै एस्टनलाई २-१ को स्थितिमा ल्याए ।
त्यसपछि खेलको ८१ औं मिनेटमा स्टेफान बाज्सेटिचले गोल गर्दै लिभरपुललाई ३-१ को जित दिलाए ।
जितसँगै लिभरपुलले १५ खेलमा २५ अंक जोडेको छ ।
लिभरपुल छैटौं स्थानमा रहेको छ ।
एस्टन १८ अंक जोडेर १२ औं स्थानमा रहेको छ ।
