काठमाडौं । इंग्लिस प्रिमियर लिग फुटबलमा लिग लिडर आर्सनलले सहज जित निकालेको छ ।
सोमबार राति भएको खेलमा आर्सनलले वेस्ट ह्यामलाई ३-१ गोल अन्तरले हराएको हो ।
आर्सनलले घरेलु मैदानमा एक गोलको अग्रता उल्टाएर जित निकालेको हो ।
खेलको २७ औं मिनेटमा सेड बेन्रहामाले पेनाल्टीबाट गोल गर्दै वेस्ट ह्यामलाई सुरुआती अग्रता दिलाएका थिए ।
तर, खेलको ५३ औं मिनेटमा बुकायो साकाले गोल गर्दै आर्सनललाई १-१ गोलको बराबरीमा ल्याए ।
खेलको ५८ औं मिनेटमा ग्राबियल मार्टिनेलीले गोल गर्दै आर्सनललाई २-१ को अग्रता दिलाए ।
त्यसपछि खेलको ६९ औं मिनेटमा एड्डी एनकेटीहले गोल गर्दै आर्सनललाई ३-१ को जित दिलाए ।
जितसँगै शीर्ष स्थानको आर्सनलले १५ खेलमा ४० अंक जोडेको छ ।
वेस्ट ह्याम १६ खेलमा १४ अंक जोडेर १६ औं स्थानमा रहेको छ ।
