न्यु ब्वाइज एफसी च्याम्पियन

काठमाडौं । न्यु ब्वाइज एफसी दुबईले युएईमा आयोजना भएको जीबी होलिडे दोस्रो कास्की कप फुटबलको उपाधि जितेको छ ।

फाइनलमा युनाईटेड स्टार एफसीलाई १-० ले हराएर न्यु ब्वाइजले उपाधि जितेको हो ।

न्यु ब्वाइजलाई उपाधि दिलाउन सरोज कोइरालाले निर्णायक गोल गरे ।

उपाधिसँगै न्यु ब्वाइजले ४९९९ दिराम प्राप्त गरेको छ ।

प्रतियोगिताको मोस्ट भ्यालुएबल खेलाडी न्यु ब्वाइजका अभि लिम्बु चुनिए । न्यु ब्वाइजका बसन्त श्रेष्ठ उत्कृष्ट प्रशिक्षक चुनिदा फाइनलको म्यान अफ द म्याच न्यु ब्वाइजका प्रशान्त कार्की चुनिए ।

प्रतियोगितामा युएईमा रहेको १६ नेपाली क्लबको सहभागिता रहेको थियो ।