एजेन्सी । इंग्लिश प्रिमियर लिग फुटबलमा लिभरपुलले साँघुरो जित निकालेको छ । आइतबार राति भएको खेलमा लिभरपुलले एभर्टनलाई १ - ० ले परजित गरेको हो ।
घरेलु मैदानमा डिभोक ओरिगीले निर्णायक गोल गरेपछि लिभरपुलले ३ अंक जोडेको हो । प्रतिस्पर्धात्मक बनेको खेलको इन्जुरी समयमा ओरिगीले गोल गरेका थिए ।
घरेलु मैदानमा बल पोजिसनमा पकड जमाएपनि लिभरपुलले थप गोल गर्न सकेन । यस्तै एभर्टनले पाएको केहि सुनौलो मौकामा गोल गर्न सकेन ।
जितसंगै लिभरपुल लिगको दोस्रो स्थानमा उक्लिएको छ । र, लिभरपुलले शीर्ष स्थानको म्यानचेस्टर सिटीसंगको अंक दुरी कम गरेको छ ।
लिभरपुलले १४ खेलबाट ३६ अंक जोडेको छ । सिटीको ३८ अंक छ । लिभरपुल लिग लिडर सिटीभन्दा २ अंकले पछि छ ।
एभर्टन २२ अंक जोडेको छैटौं स्थानमा छ ।
