काठमाडौं । इंग्लिस प्रिमियर लिग फुटबलमा आज सोमबार सात खेलहरु हुँदैछन ।
कतार विश्वकपपछि पुन: प्रिमियर लिगका खेलहरु सुरु हुन लागेको हो ।
प्रिमियर लिगमा सोमबार आर्सनल, लिभरपुल, टोटेनहम लगायतका टोलीको खेलहरु हुँदैछन् ।
पहिलो खेलमा टोटेनहम र ब्रेन्टफोर्डबीच प्रतिस्पर्धा हुनेछ । खेल नेपाली समय अनुसार साँझ ६:१५ बजे सुरु हुनेछ ।
यस्तै राति ८:४५ बजे विभिन्न ४ खेलहरु हुँदैछ । जसमा साउथह्याम्पटन र ब्राइटन, लेस्टर सिटी र न्युकासल युनाईटेड, क्रिस्टल प्यालेस र फुलहम तथा एभर्टन र उल्भ्सबीच खेल हुनेछ ।
लिभरपुल र एस्टन भिल्लाबीचको खेल राति ११:१५ बजे सुरु हुनेछ ।
त्यस्तै आर्सनल र वेस्ट ह्यामबीचको खेल राति १:४५ बजे सुरु हुनेछ ।
