नेपालको लगातार तेस्रो हार

काठमाडौं ।  बगबंन्धु एसियन यू-२३ सेन्ट्रल एसियन जोन अन्तराष्ट्रिय पुरुष भलिबल च्याम्पियनसिपमा नेपालले लगातार तेस्रो हार व्यहोरेको छ ।

ढाकामा शनिबार किर्गिस्तानसँग पराजित हुँदै नेपालले लगातार तेस्रो हार व्यहोरेको हो ।

पाँच सेटमा पुगेको प्रतिस्पर्धात्मक खेलमा नेपालले ३-२ को सेटमा हार व्यहोरेको हो ।

पहिलो सेट किर्गिस्तानले २५-१६ ले जितेको थियो । दोस्रो सेटमा नेपालले २५-२३ को जित निकाल्यो ।

तेस्रो सेटमा किर्गिस्तानले २५-१७ ले जित्दा चौंथो सेट नेपालले २५-१९ ले जितेको थियो ।

तर, अन्तिम तथा पाँचौं सेट किर्गिस्तानले १५-६ ले जित्दै खेल आफ्नो पक्षमा पारेको हो ।

नेपालले यस अघि दुई खेलमा हार व्यहोरेको थियो ।

पहिलो खेलमा नेपाल आयोजक बंगलादेश र दोस्रो खेलमा श्रीलंकासँग सोझो सेटमा पराजित भएको हो ।

च्याम्पियनसिपमा  आयोजक बंगलादेशसहित नेपाल,  किर्गिस्तान र श्रीलंकाको सहभागीता रहेको छ ।

नेपालले च्याम्पियनसिपको सेमिफाइनल खेल भोलि आइतबार खेल्नेछ ।

प्रतियोगितामा चार टोलीको सहभागिता भएको हुनाले चारै टोलीले सेमिफाइनलमा स्थान बनाएका हुन् ।