काठमाडौं । इटालियन सिरी 'बी' क्लब काग्लियारीले क्लाउडियो रानिएरीलाई मुख्य प्रशिक्षक नियुक्त गरेको छ ।
इटालियन प्रशिक्षक रानिएरी ३० वर्षपछि फेरि काग्लियारीको मुख्य प्रशिक्षक नियुक्त भएका हुन् ।
उनले क्लबसँग २०२५ सम्मको सम्झौता गरेका छन् ।
रानिएरीले यस अघि १९८८ देखि १९९१ सम्म काग्लियारीको टिम हेरेका थिए ।
रानिएरीकै नेतृत्वमा काग्लियारीले सिरी 'सी' बाट सिरी 'ए' सम्मको यात्रा तय गरेको थियो ।
७१ वर्षीय रानिएरी गत जनवरीमा वाट्फोर्डबाट बर्खास्तमा परेका थिए ।
रानिएरीले लेस्टर सिटीलाई सन् २०१५/१६ को सिजन प्रिमियर लिगको उपाधि दिलाएका थिए ।
