विश्वकप विजेता माटुइडीद्वारा सन्यास

काठमाडौं । फिफा विश्वकप विजेता फ्रान्सका मिडफिल्डर ब्लेईस माटुइडीले फुटबलबाट सन्यास घोषणा गरेका छन् ।

माटुइडीले शुक्रबार सामाजिक संजालबाट ३५ वर्षको उमेरमा सन्यास घोषणा गरेका हुन् ।

फ्रान्सले २०१८ को विश्वकप फुटबलको उपाधि जित्दा उनी टिमका मुख्य सदस्य थिए ।

इटालियन क्लब युभेन्ट्स र फ्रेन्च क्लब पीएसजीका पूर्व मिडफिल्डरले पछिल्लो पटक इन्टर मियामीबाट खेलेका थिए ।

माटुइडीले फ्रान्सका लागि ८४ खेलमा ९ गोल गरेका थिए ।

उनले २०१० मा फ्रान्सको राष्ट्रिय टोलीमा डेब्यु गरेका थिए ।