पुरस्कार नपाएपछि बुढासुब्बा गोल्डकपविरुद्ध मनाङको उजुरी

काठमाडौं । मनाङ मर्स्याङ्दी क्लबले बुढासुब्बा गोल्डकपविरुद्ध शुक्रबार अखिल नेपाल फुटबल संघ (एन्फा) मा उजुरी दिएको छ ।

मनाङले पुरस्कार रकम नपाएपछि बुढासुब्बा गोल्डकप आयोजक धरान फुटबल क्लबविरुद्ध एन्फामा उजुरी दिएको हो ।

मनाङले २२ औं संस्करणको बुढासुब्बा गोल्डकपको उपाधि जितेको थियो ।

तर, मनाङले तीन वर्ष बितिसक्दा समेत उपाधि रकम ७ लाख पाएको छैन ।

धरान फुटबल क्लबले पोखरामा आयोजना हुने २२ औं आहा रारा पोखरा गोल्डकपमा सहभागिता जनाउने जानकारी गराउदै मनाङले पुरस्कार रकम नदिएसम्म धरानलाई आहा रारा खेल्नबाट बन्चित गराउन एन्फालाई आग्रह समेत गरेको छ ।