लिभरपुललाई हराउँदै सिटी क्वाटरफाइनलमा

काठमाडौं । म्यानचेस्टर सिटी काराबाओ कप फुटबलको क्वाटरफाइनलमा प्रवेश गरेको छ ।

शुक्रबार राति साविक विजेता लिभरपुललाई ३-२ गोल अन्तरले हराउँदै सिटी क्वाटरफाइनलमा प्रवेश गरेको हो ।

रोमान्चक खेलको १० औं मिनेटमा अर्लिङ हालाण्डले गोल गर्दै सिटीलाई सुरुआती अग्रता दिलाएका थिए ।

२० औं मिनेटमा फाबियो कार्भाल्होले गोल गर्दै लिभरपुल लाई १-१ गोलको बराबरीमा ल्याए ।

खेलको ४७ औं मिनेटमा रियाद महरेजले गोल गर्दै सिटीलाई फेरि २-१ को अग्रता दिलाए ।

लगत्तै ४८ औं मिनेटमा मोहमद सलाहले गोल गर्दै लिभरपुललाई २-२ को बराबरीमा ल्याए ।

त्यसपछि खेलको ५८ औं मिनेटमा नाथन एकेले गोल गर्दै सिटीलाई ३-२ को जित दिलाए ।

अब सिटीले क्वाटरफाइनलमा साउथह्याम्पटनको सामना गर्नेछ ।