काठमाडौं । साउदी अरेबियाको क्लब अल नसर पोर्चुगिज फरवार्ड क्रिस्टियानो रोनाल्डो अनुबन्धको नजिक पुगेको छ।
स्पेनिस पत्रिका मार्काले रोनाल्डो अल नसरमा अनुबन्धको नजिक पुगेको जनाएको छ ।
अल नसरले रोनाल्डोलाई कीर्तिमानी मूल्यमा अनुबन्ध गर्न लागेको हो ।
नसरले रोनाल्डोलाई वार्षिक १ सय ७५ मिलियन पाउन्डको अफर गरेको थियो ।
सम्भावित अनुबन्धको बारेमा छलफल गर्न रोनाल्डो रियाद पुगिसकेका छन् ।
३७ वर्षीय रोनाल्डोले अल नसरसँग ७ वर्षको सम्झौता गर्ने बताईएको छ ।
म्यानचेस्टर युनाईटेड छाडेपछि रोनाल्डो क्लब विहीन रहेका छन् ।
रोनाल्डोको कप्तानीमा रहेको पोर्चुगल मोरक्कोसँग पराजित हुँदै कतार विश्वकपको क्वाटरफाइनलबाट बाहिरिएको थियो ।
