काठमाडौं । ब्राजिलका लेजेन्ड फुटबल खेलाडी पेलेको क्यान्सर फैलदै गएको अस्पतालले जनाएको छ ।
८२ वर्षीय पेले तीन साताबाट अस्पतालमा रहेका छन् ।
उनको साओ पाउलोको अल्बर्ट आइन्टाइन अस्पतालमा उपचार भईरहेको छ ।
पेलेका छोरीले पेलेले क्रिसमस अस्पतालमै मनाउने बताएकी छन् ।
पेलेको २०२१ को सेप्टेम्बरमा ट्युमरको शल्यक्रिया गरिएको थियो ।
तीनपटक विश्वकप जित्ने एकमात्र खेलाडीका रुपमा रहेका पेलेको सन् २०१५ मा पेलेको प्रोस्टेटको शल्यक्रिया भएको थियो ।
पेले ब्राजिलका सर्वाधिक गोलकर्ता हुन् उनले ९२ खेलमा ७७ गोल गरेका छन् साथै चारवटा विश्वकपमा गोल गर्ने चार खेलाडी मध्येका एक हुन् ।
