काठमाडौं । मुख्य प्रशिक्षक ग्यारेथ साउथगेटले २०२४ सम्म इंग्ल्यान्डको टोली सम्हाल्ने भएका छन् ।
इंग्ल्यान्ड एफएले आइतबार प्रशिक्षक साउथगेटले २०२४ को युरोकपसम्म इंग्ल्यान्डको टोली सम्हाल्ने जनाएको छ ।
५२ वर्षीय साउथगेटको नेतृत्वमा इंग्ल्यान्डले कतार विश्वकपको क्वाटरफाइनलसम्मको यात्रा तय गरेको थियो ।
क्वाटरफाइनलमा इंग्ल्यान्डले फ्रान्ससँग २-१ को हर व्यहोरेको थियो ।
विश्वकपबाट बाहिरिएपछि साउथगेट समेत मुख्य प्रशिक्षक नरहने चर्चा चलेको थियो ।
तर, इंग्ल्यान्ड एफएले साउथगेटलाई नै टिम हेर्ने जिम्मेवारी दिएको छ ।
साउथगेटले २०१६ देखि इंग्ल्यान्डको टोली सम्हाल्दै आएका छन् ।
