डिडियर डेसच्याम्प्स : स्तब्ध पार्न सक्छन् अर्जेन्टिनालाई

काठमाडौं । पछिल्ला सात संस्करणमा चार विश्वकप फाइनल्स । विश्वकपको फाइनलमा आइतबार अर्जेन्टिनाको सामना गर्नु अघि फ्रान्स यो पोजिसनमा उभिएको छ । दुबै टोलीले ले आफ्नो जर्सीमा तेस्रो स्टारको लक्ष्य राखेका छन् । तर फ्रान्सले मात्र अहिले अन्तर्राष्ट्रिय फुटबल पिरामिडको शीर्षमा उभिने दावी गर्न सक्छ ।

कतार विश्वकप २०२२ मा आइतवारको जितले यो दाबी अझ बढि मान्य हुनेछ । सम्भावित तीन विश्वकप उपाधि (१९९८ मा एक खेलाडीको रूपमा र २०१८ मा प्रशिक्षकको रूपमा पहिलेनै) सहित, डिडियर डेसच्याम्प्स आफ्नो हैसियतलाई सर्वकालिन महानहरूमा समावेश गर्न सक्छन् ।

पछिल्लो समय फ्रान्सेली सफलताका संवाहक डेसच्याम्प्स हुन् । उनको व्यावहारिक दिमाग र दृष्टिकोण विश्वकप जस्तो ठुलो प्रतियोगितामा पूर्ण रूपमा फिट हुन्छ। आक्रामक दिमाग भन्दा बढी रक्षात्मक दिमाग, तर महत्त्वपूर्ण कुरा, उनले आफ्नो टोली भित्र विजयी मानसिकता र विशेष टोली भावना सिर्जना गरे। उनले २०१० विश्वकप र २०१२ युरोको असफलताले पीडामा छटपटाइरहेको टोलीको जिम्मा लिए। कसरी जित्ने, कसरी बलियो बन्ने, कसरी निर्दयी बन्ने भनेर उनले सिकाए ।

उनी जर्मनीमा हुने सन् २०२४ को यूरोकपसम्म फ्रान्सको प्रशिक्षक रहन चाहन्छन् र सायद उनको इच्छा पूरा हुन्छ किनभने फ्रान्सेली फुटबल महासंघसँग उनलाई नराख्ने कुनै कारण छैन। खेलाडीहरु पनि उनी रहुन् भन्ने चाहन्छन् । एन्टोइन ग्रिजम्यानले भनेका थिए कि उनी डेसच्याम्प्सको ऋणी छन्। केलियन एमबाप्पे पनि सँगै यात्राको लागि धेरै आभारी छन्। डेसच्याम्प्स पाउल पोग्बाका लागि त दोस्रो बुबा जस्तै हुन्।

जे होस्, डेसच्याम्प्स पनि धेरै भाग्यशाली हुन् । फ्रान्सेली खेलाडीहरूको उत्कृष्ट पुस्तासँग काम गर्न पाए। फ्रान्ससँग प्रतिभा र गहिराइ छ र त्यसैले पनि उनीहरु विश्व विजेता हुन्। अन्य धेरै देशहरूले यति घमण्ड गर्न सक्दैनन्। फ्रान्सको अहिलेको पुस्तामा गुणस्तरीय रत्नहरू छन्।

एमबाप्पेको स्टारडममा डेसच्याम्पको प्रभाव स्पष्ट रूपमा बढेको छ। यी दुईको सम्बन्ध बलियो छ । एमबाप्पे बिना, फ्रान्सले २०१८ मा विश्वकप जित्ने थिएन र २०२२ मा फाइनलमा पुग्ने थिएन। न त एमबाप्पे डेसच्याम्पको सहयोग बिना फ्रान्सेली टोलिमा प्रमुख खेलाडी बन्न सक्थे । २३ वर्षीय एमबाप्पेका लागि यो फाइनल विशेष दिन हुन सक्छ, किनकि उनी पेलेपछिको सबैभन्दा कान्छो खेलाडी बन्न सक्छन् लगातार विश्वकप जित्ने ।