काठमाडौं । अमेरिकी स्टार क्रिस्टियन पुलिसिकले लण्डन क्लब चेल्सी छाड्न सक्ने बताएका छन् ।
एक पोडकास्टमा कुरा गर्दै पुलिसिकले जे पनि हुन सक्ने भन्दै लण्डन क्लबसँगको भविष्यको बिषयमा बोलेका हुन् ।
यूएसएका सहकर्मी खेलाडी टिम रिम्ससँग पोडकास्टमा कुरा गर्दै पुलिसिकले क्लबमा पछिल्लो अवस्थाको बारेमा जानकारी गराएका हुन् ।
पुलिसिक प्रेरित अमेरिकाले कतार विश्वकपमा अन्तिम १६ सम्मको यात्रा तय गरेको थियो । लण्डन क्लब चेल्सीले डिसेम्बर २७ मा वर्नमाउथविरुद्ध खेल्दै प्रिमियर लिगमा फर्किदैछ ।
उनले लण्डन क्लबमा खेल्नका लागि धेरै समय नपाएको खण्डमा आफु क्लबबाट टाढा जाने बताएका छन् । प्रशिक्षक थोमस टुचेल र ग्राहम पोटरको नेतृत्वमा अमेरिकी कप्तानले १४ मध्य तीन लिग खेलमा मात्र सुरुवाती मौका पाएका छन् ।
‘अहिले म पूर्ण रुपमा चेल्सीमा फिर्ता आएको छु । र मैले आफ्नो ध्यान केन्द्रित गरेको छु । मेरो दिमाग यही छ ।’ उनले भनेका छन्, ‘म यो सिजन सक्न तयार छु । तर थाहै छ, फुटबलले कसरी काम गर्छ । कसरी चिज परिवर्तन हुन्छ । जे पनि हुन सक्छ ।’
‘चिजहरु चाँडो परिवर्तन भैरहेका छन् । हामी सबैलाई थाहा छ । यो अवस्थामा मैले आफुलाई अभ्यासमा केन्द्रित गरिरहेको छु । र चेल्सीका काम गरिरहेको छु । किनकी म यही छु ।’ उनले भनेका छन् ।
चेल्सीमा काम समय खेल्नुका बाबजुत पुलिसिकसँग कुनै दाबेदार देखिएका छैनन् । यसअघि म्यानचेस्टर युनाईटेड, न्युक्यासल, एसी मिलान र युभेन्टससँग उनी जोडिएका थिए ।
पुलिसिकले कतार विश्वकप एक गोल र दुई गोलको अवसरका साथ समाप्त गरे । अन्तिम १६ को खेलमा यूएसएले नेदरल्याण्डसँग ३–१ ले खेल गुमाएको थियो ।
